Айни дамда Англиянинг “Ноттингем Форест” клубида ижара асосида ўйнаётган Франциянинг “ПСЖ” клуби дарвозабони Кейлор Наваснинг Премер-лига клубида қолиш имконияти деярли йўқ. Бу ҳақда L'Equipe нашри хабар бермоқда.
Манбага кўра, "Ноттингем Форест" футболчига маошини тўлиқ тўлашга қодир эмас. Наваснинг ўзи фаолиятини Мексика клубида давом эттириш ҳақида ўйламоқда. Коста-рикалик дарвозабоннинг вариантлари орасида "Америка" клуби бор.
Аввалроқ ўз интервьюсида Навас Чемпионлар лигасида ғолиб чиқишни истаётган "ПСЖ"га қайтиш вариантини инкор этмаганди.
Навас "Ноттингем" сафида Премьер-лигада 11 та ўйин ўтказган ва бу ўйинларда бир марта ўз дарвозаси дахлсизлигини сақлаб қолган.
