Мадриднинг “Реал” клуби “Вильярреал” ҳужумчиси Самуэль Чуквуезега қизиқиш билдирмоқда. Хабарларга кўра, "қироллик" клуби "сариқ сув ости кемаси" футболчисини келаси ёзда жамоани тарк этиши мумкин бўлган вингер Марко Асенсиога муқобил сифатида кўриб чиқмоқда.
Чуквуэзенинг товон пули 80 миллион евро қилиб белгиланган. Испания чемпионатининг жорий мавсумида Самуэль 28 учрашувда иштирок этиб, олтита гол ва бешта голли узатмани амалга оширди.
Испания чемпионатининг 29-туридан сўнг “Реал” 62 очко жамғариб, турнир жадвалида иккинчи ўринда бормоқда.
