"Манчестер Сити" ярим ҳимоячи Илкай Гюндоганга ўринбосар қидирмоқда. Немис ярим ҳимоячиси "Барселона" билан фаол равишда музокаралар олиб бормоқда. Шартнома ёзда якунланиши мумкин.
Хабарларга кўра, хорватиялик ярим ҳимоячи, ҳозирда Лондоннинг "Челси"сида тўп сураётган Матео Ковачич "шаҳарликлар"нинг қизиқиш доирасига тушиб қолган. 28 ёшли хавбекнинг трансфери “шаҳарликлар”га 40 миллион еврога тушиши мумкин. Матео лондонликлар сафида 2019 йилнинг июлидан бери ўйнаб келмоқда.
Англия Премьер-лигасининг жорий мавсумида ярим ҳимоячи 23 та ўйин ўтказиб, битта гол ва битта голли узатмага муаллифлик қилган.
