"Арсенал" ҳужумчиси, ҳозирда "Реймс"да ижара асосида тўп сураётган Фоларин Балогун ёзда "канонирлар" таркибига қайтмоқчи, дея хабар беради инсайдер Николо Скира.
Манбанинг хабар беришича, ҳужумчи лондонликлардан кейинги мавсумда жамоага қайтишни сўраган, чунки у муҳим роль ўйнамоқчи. Акс ҳолда у "Арсенал"ни тўлиқ тарк этишга тайёр. Transfermarkt футболчини 25 миллион еврога баҳоламоқда.
Ҳужумчини “Лейпциг”, “Милан” ва “Монако” клублари кузатиб бормоқда.
21 ёшли инглиз футболчиси ўтган ёзда "Арсенал"дан "Реймс"га ижарага берилганди. Жорий мавсумда Балогун 32 учрашувда 19 та гол ва 2 та голли узатмани амалга оширди.
