Бельгиялик тажрибали ярим ҳимоячи Аксель Витсель Мадриднинг «Атлетико» клубида қолади.
Todofichajesнинг сўзларига кўра, «матрасчилар» 34 ёшли футболчини кейинги мавсумда ҳам жамоада қолдиришга қарор қилишган.
Шу тариқа, Аксель шартномасини тўлиқ ўтайди ва шундан сўнг у эркин агент сифатида клубдан кетиши мумкин.
Витсель ўтган йилнинг июль ойидан бери Мадрид жамоаси шарафини ҳимоя қилиб келмоқда. Унинг трансфер нархи беш миллион еврога баҳоланмоқда.
Испания чемпионатининг бу галги мавсумида Аксель 24 та баҳс ўтказиб, гол ура олмаган. Айни вақтда бельгиялик футболчи иккита сариқ карточка олди.