Арьен Роббен Роттердамдаги марафонда югурди.
"Бавария" ва Нидерландия терма жамоасининг собиқ футболчиси 42,195 км масофани 2 соат 58 дақиқа 33 сонияда босиб ўтди. Ўтган йили Роббен марафонни 3 соат 13 дақиқа 57 сонияда босиб ўтган эди.
"Бу катта футбол кубогини қўлга киритганингизга жуда ўхшайди. Спорт натижалари бўйича бу ютуқлар бир қаторда туради.
Спринтер учун бу масофа жуда катта. Мен спортни ва қийин вазифаларни яхши кўраман. Баъзилар мени ақлдан озган деб ўйлашади. Аммо спортчи бўлганингдан сўнг, абадий спортчи бўлиб қоласиз”, — деди Роббен.
