«Тоттенхэм» ёзда жамоага келадиган янги мураббийни излаш билан банд.

Хабар берганимиздек, бир пайтлар «шпорлар»да футболчи сифатида тўп тепган Юрген Клинсманн Лондон клубининг қисқа рўйхатидан жой олган.

Kicker саҳифаларида «Тоттенхэм Хотспур» бош мураббийи лавозимига бошқа номзодлар ҳам кўрсатилган.

Шундай қилиб, Клинсманн билан бирга Брендан Рожерс, Венсан Компани, Маурисио Почеттино, Грэм Поттер ва Юлиан Нагельсманнлар бу шорт-листдан жой олишган.

Эслатиб ўтамиз, бир неча ҳафта олдин «Тоттенхэм» Антонио Конте билан шартномани бекор қилган эди. Мавсум охиригача Кристиан Стеллини жамоа билан ишлайди.

Айни дамда «Тоттенхэм» АПЛ турнир жадвалида бешинчи ўринни эгаллаб турибди.