«Tottenxem» yozda jamoaga keladigan yangi murabbiyni izlash bilan band.
Xabar berganimizdek, bir paytlar «shporlar»da futbolchi sifatida to‘p tepgan Yurgen Klinsmann London klubining qisqa ro‘yxatidan joy olgan.
Kicker sahifalarida «Tottenxem Xotspur» bosh murabbiyi lavozimiga boshqa nomzodlar ham ko‘rsatilgan.
Shunday qilib, Klinsmann bilan birga Brendan Rojers, Vensan Kompani, Maurisio Pochettino, Grem Potter va Yulian Nagelsmannlar bu short-listdan joy olishgan.
Eslatib o‘tamiz, bir necha hafta oldin «Tottenxem» Antonio Konte bilan shartnomani bekor qilgan edi. Mavsum oxirigacha Kristian Stellini jamoa bilan ishlaydi.
Ayni damda «Tottenxem» APL turnir jadvalida beshinchi o‘rinni egallab turibdi.
