«Рубин»нинг собиқ бош мураббийи Леонид Слуцкий «Наполи» ҳужумчиси Хвича Кварацхелиянинг ўйинлари ҳақида гапирди.
«Хвичанинг ўйини мени ҳайратда қолдирмади. А Серияга қўшилишдан олдин уни ҳеч ким танимасди, чунки РПЛ машҳур лига эмас.
Бироқ, Россияда ҳамма уни биларди. «Наполи»ни табрикламоқчиман, улар ҳозирда 115 миллион еврога тенг бўлган футболчини ўша вақтлар арзимас суммага олишди», — дея Слуцкийнинг сўзларидан иқтибос келтиради Sky Sports.
Жорий мавсумда 22 ёшли Кварацхелия барча турнирларни ҳисобга олган ҳолда 34 та учрашувда иштирок этиб, 14 та гол урди ва 16 та голли узатмани амалга оширди.
Футболчининг «Наполи» билан шартномаси 2027 йилгача мўлжалланган.
