«Милан» бош мураббийи Стефано Пиоли Чемпионлар лигаси 1/4 финали доирасидаги «Наполи»га қарши жавоб учрашуви олдидан умидлари билан ўртоқлашди.
«Ҳозир фикримиз бир ерга жамланган, мотивация борасида муаммо йўқ ва ўта қатъиятлимиз, биламизки, охирги ўйин билан солиштирганда бутунлай бошқача муҳит бўлади, аммо бу бизга қўшимча мотивация беради.
Биз ўзимизга биринчи ўйин натижаси учун эмас, балки ўз имкониятларимизни билганимиз учун ишонишимиз керак.
Бизда бироз устунлик бор, аммо «Наполи» бу йил Чемпионлар лигасида ҳар бир ўйинда ўртача 3 та гол урмоқда», - деди Пиоли.
Эслатиб ўтамиз, биринчи ўйин «Милан»нинг 1:0 ҳисобидаги ғалабаси билан якунланган. Жавоб баҳси 18 апрель куни Неаполда бўлиб ўтади.
