«Milan» bosh murabbiyi Stefano Pioli Chempionlar ligasi 1/4 finali doirasidagi «Napoli»ga qarshi javob uchrashuvi oldidan umidlari bilan o‘rtoqlashdi.
«Hozir fikrimiz bir yerga jamlangan, motivasiya borasida muammo yo‘q va o‘ta qat’iyatlimiz, bilamizki, oxirgi o‘yin bilan solishtirganda butunlay boshqacha muhit bo‘ladi, ammo bu bizga qo‘shimcha motivasiya beradi.
Biz o‘zimizga birinchi o‘yin natijasi uchun emas, balki o‘z imkoniyatlarimizni bilganimiz uchun ishonishimiz kerak.
Bizda biroz ustunlik bor, ammo «Napoli» bu yil Chempionlar ligasida har bir o‘yinda o‘rtacha 3 ta gol urmoqda», - dedi Pioli.
Eslatib o‘tamiz, birinchi o‘yin «Milan»ning 1:0 hisobidagi g‘alabasi bilan yakunlangan. Javob bahsi 18 aprel kuni Neapolda bo‘lib o‘tadi.
