Суперлига 6-туридан ўрин олган «Бунёдкор» – «Насаф» (1:1) учрашувидан сўнг Рўзиқул Бердиев ўз фикрларини билдириб ўтди.
«Қизил карточкага қадар ўйин бизнинг назоратимизда ўтди. Бугун йирик ҳисобда ғалаба қозонишимиз ҳам мумкин эди.
Боиси, бунга қадар тўп назорати бизда эди, вазиятлар яратаётган, рақибга ҳеч қандай имконият қолдирмаётган эдик. Четлатишдан сўнг барчаси ўзгариб кетди. Учрашув сўнггида диққатни йўқотдик ва шу билан бирга икки очкони бой бердик. Бу жуда ҳам аламли...
Бизда пенальтидан ҳам яхшироқ вазият бўлди. Биринчи бўлимда Насруллаевда, иккинчи бўлимда Бозоровда имкониятлар бўлди.
Пенальтини бизда Раҳматов ҳамда Сидиқов амалга оширар эди. Беллашувдан олдин кимда ўзига ишонч бўлса, амалга оширишни таъкидлаган эдик. Шерзод зарба берди, аммо Султонов яхши ҳаракат қилди», – деди Бердиев.
