Тодд Боэли «Брайтон»га (1:2) қарши ўйиндан сўнг «Челси» футболчиларининг кийим алмаштириш хонасига ташриф буюрган.

Маълум бўлишича, клуб хўжайини лиганинг 31-туридан ўрин олган ўйиндан сўнг кийиниш хонасида бир соатга яқин вақт ўтказган.

Унда Боэли бош мураббий Фрэнк Лэмпарднинг нутқидан сўнг сўз олди. Ишбилармон клубнинг турнир жадвалининг қуйи қисмидаги ўрни ва сўнгги натижаларини «шармандали» деб атади ва жамоанинг ғалаба қозонишини таъминлаш учун 600 миллион фунт сарфланганини, бироқ ҳозирча бу умидларни оқламаганини очиқ айтди.

Шу билан бирга, у Чемпионлар лигасида «Реал»га қарши жавоб ўйини мавсумни сақлаб қолиш, шармандали ўйинларга чек қўйиш учун муҳим имконият эканлигини таъкидлади.