"Челси"ни вақтинчалик бош мураббийи Франк Лэмпард "Реал"га қарши Чемпионлар лигаси 1/4 финал жавоб ўйини олдидан фикр билдирди.
Ўтган ҳафтада бўлиб ўтган биринчи учрашувда (2:0) мадридликлар устунлик қилишди. Қарама-қаршилик тақдири сешанба куни Лондонда ҳал қилинади.
"Биз умуман ўзимиз хоҳлаган жойда эмасмиз. Ҳозирги вазиятни ҳисобга олсак, "Реал"га қарши ўйинда муваффақият қозониш учун биздан ақл бовар қилмайдиган ҳаракат талаб этилади. Аммо "Стэмфорд Бридж"даги муҳит бизга ёрдам беради. Рақибимиз ниҳоятда юқори савияда, аммо футболда ҳамма нарса мумкин", - деди Лэмпард.
