"Реал Мадрид" унинг ҳакамлар билан алоқалари ҳақидаги баёнотларни эътиборсиз қолдирмоқчи эмас.
"Барселона" президенти Жоан Лапорта ҳакамлар Мадридга тизимли равишда ёрдам бераётганига шаъма қилди. Шунингдек, у "Эслатиш жоизки, етмиш йил давомида ҳакамлар қўмитаси президентларининг аксарияти "Реал Мадрид"нинг собиқ ходимлари, футболчилари ёки раҳбарлари, баъзи ҳолларда ҳаммаси бирданига бўлган" - деди.
Marca нашри хабарига кўра, мамлакатнинг амалдаги чемпионлари раҳбарияти Лапорта ҳужумларига омма олдида жавоб қайтармоқчи. Шунингдек, клубнинг баъзи вакиллари "Барселона" билан ҳамкорликни тўхтатиш вақти келди, деб ҳисобламоқда.
