Италия А сериясининг 30-турининг сўнгги ўйинида “Аталанта” сафарда “Фиорентина” билан кураш олиб борди ва 1:1 ҳисобида дуранг ўйнади. Ушбу баҳсда бергамоликлар ҳимоячиси Йоаким Меле томонидан киритилган гол жамоанинг А Сериядаги 2500-голи бўлди.
Меле 2020 йилдан буён “Аталанта” сафида тўп суради, у аввал “Ольборг” ва Бельгиянинг “Генк” клубларида ўйнаган. Италия чемпионатининг навбатдаги турида “Аталанта” пойтахтнинг “Рома” жамоасига қарши майдонга тушади, бу келаси душанба, 24 апрель куни бўлиб ўтади.
Бергамо жамоаси айни дамда А Серия турнир жадвалида олтинчи ўринни эгаллаб турибди.
