2022/23 йилги мавсум «Ливерпуль» тарихидаги энг ажойиб мавсумлардан бири бўлмаслиги аниқ.

«Қизиллар»га ўтган йили АПЛда ҳам, Чемпионлар лигасида ҳам бош соврин учун бир қадам етмаган холос. Шуни ҳисобга олиб, жамоанинг бу мавсумдаги беқарор ўйинларини ҳеч ким кутмаганди. Юрген Клопп шогирдларининг мавсумни Премьер-лига тарихидаги энг ёмон ўринлардан бири билан якунлаш хавфи бор.

«Ливерпуль» ҳеч қачон Премьер-лигани жадвалнинг иккинчи қисмида якунламаган. Уч марта бунга яқин келган, икки марта 60 очко ва бошқа ҳолатда 52 очко жамғаришган. Ўшанда 2011/12 ва 2015/16 мавсумларида 38 ўйиндан иборат мавсумда саккизинчи ўринни эгаллашган. 2011/12 йилги мавсумда жамоа атиги 52 очко тўплади, бу эса Премьер-лигада клуб тарихидаги энг паст натижани билдиради.

1993/94 йилги мавсумни 60 очко билан саккизинчи ўринда якунлаган жамоа учун Премьер-лига старти идеал бўлмади. Ўша пайтдаги менежер Грэм Сунесс жамоадаги ажойиб истеъдодлар – Жон Барнс, Стив Макманаман ва Иан Рашнинг ёрдамларига таянган. 

Уларнинг азалий рақиби «Манчестер Юнайтед» ички треблга эришаётган бир пайтда, «Ливерпуль»га Рой Эванс ва Жерар Ульенинг ёрдамлари ҳам кифоя қилмаган. Шундан сўнг беш йил давомидаги энг ёмон натижа қайд этилган ва 2015/16 йилги мавсумда ҳам бунга жуда яқин келишган. Кейинчалик Клопп Брендан Рожерснинг ўрнини эгаллади ва «Энфильд» жамоаси якунда Премьер-лига ва Чемпионлар лигасида ғалаба қозонди.

«Ливерпуль» 2022/23 йилги мавсумда тарихидаги энг паст натижани қайд этадими?

Ҳозирда Премьер-лига жадвалида саккизинчи ўринда жойлашган «Ливерпуль» учун ўзининг ёмон мавсумини ўзгартиришга саккизта учрашув бор. Улар кеча «Лидс»ни йирик ҳисобда тор-мор келтирди. Ундан олдин эса ўзларининг энг оғир учрашувларини ўтказишди. «Манчестер Сити», «Челси» ва «Арсенал»га қарши ўйинлардан атиги икки очко олинди.

Ҳозир уларда 2011/12 йилги мавсумдаги 52 очколик антирекордни такрорламаслик учун саккизта ўйин бор, бу унчалик муаммоли бўлмасада, аммо олдинда «Тоттенхэм», «Астон Вилла» ва «Брайтон» каби жамоаларга қарши баҳслар кутиб турибди.