Мюнхеннинг “Бавария” клуби Франция чемпионати ҳужумчиси вариантини кўриб чиқмоқда.

Журналист Флориан Плеттенберг хабарига кўра, "қизил машина" "Лилль" ҳужумчиси Жонатан Дэвидга қизиқиш билдирмоқда. Манбага кўра, "Бавария" скаутлари Дэвидни юқори баҳолайдилар, бироқ футболчининг трансфери бўйича ҳозирча аниқ музокаралар ўтказилмаган.

Қайд этилишича, раҳбарият ва бош мураббий Томас Тухель яқин вақт ичида учрашиб, янги ҳужумчи позициясига номзодларни муҳокама қилади. Аввалроқ, А Серия тўпурари, ўтмишда ҳам "Лилл"да ўйнаган Виктор Осимхен ҳужумчи позициясига устувор номзод сифатида кўриб чиқилаётганди.

Жонатан Дэвид жорий мавсум Лига 1да 20 та гол урди. Канадалик футболчи Килиан Мбаппе билан энг яхши тўпурар бўлиб турибди.