Myunxenning “Bavariya” klubi Fransiya chempionati hujumchisi variantini ko‘rib chiqmoqda.
Jurnalist Florian Plettenberg xabariga ko‘ra, "qizil mashina" "Lill" hujumchisi Jonatan Devidga qiziqish bildirmoqda. Manbaga ko‘ra, "Bavariya" skautlari Devidni yuqori baholaydilar, biroq futbolchining transferi bo‘yicha hozircha aniq muzokaralar o‘tkazilmagan.
Qayd etilishicha, rahbariyat va bosh murabbiy Tomas Tuxel yaqin vaqt ichida uchrashib, yangi hujumchi pozisiyasiga nomzodlarni muhokama qiladi. Avvalroq, A Seriya to‘purari, o‘tmishda ham "Lill"da o‘ynagan Viktor Osimxen hujumchi pozisiyasiga ustuvor nomzod sifatida ko‘rib chiqilayotgandi.
Jonatan Devid joriy mavsum Liga 1da 20 ta gol urdi. Kanadalik futbolchi Kilian Mbappe bilan eng yaxshi to‘purar bo‘lib turibdi.
