Мюнхеннинг "Бавария" клуби жамоа ҳимоячиси Альфонсо Дэвис билан янги шартномаси бўйича музокараларга киришди. Бу ҳақда журналист Мануэль Вет ижтимоий тармоқлар орқали хабар берди.
Инсайдер янги шартнома канадалик футболчи учун устувор вазифа эканини таъкидлади. Бироқ, агар раҳбарият унга франциялик Кингсли Коман билан таққосланадиган маош таклиф қилсагина, футболчи шартномани имзолайди.
Аввалроқ ОАВда Дэвисга "Манчестер Юнайтед" ва "Реал"дан қизиқиш борлиги ҳақида хабарлар тарқалган эди.
Канадалик футболчи жорий мавсум мюнхенликлар сафида 36 та ўйинда майдонга тушиб, 3 та гол урди ва 8 та голли узатмани амалга оширди.
