"Интер"нинг собиқ сардори Хавьер Дзанетти УЕФА Чемпионлар лигаси 1/4 финалида "Бенфика"га қарши бўлиб ўтадиган жавоб учрашуви ҳақида гапирди.

"Бу йил "Интер" кучли ва юқори шиддат кўрсатмоқда. "Бенфика"га қарши ўйин келажак учун ҳал қилувчи бўлади. А Сериядаги муаммолар? Футболчиларнинг психологиясига саволлар бор, мен Чемпионлар лигаси ва Италия чемпионатидаги натижалар ўртасидаги бундай қарама-қаршиликни тушунтириб бера олмайман. Бундан ташқари, Лукаку жароҳатни даволашда давом этмоқда ", - дея Дзанеттидан иқтибос келтирган инсайдер Николо Скира.

Биринчи ўйинда "Интер" Лиссабонда "Бенфика"ни 2:0 ҳисобида мағлуб этди. Жавоб ўйини 19 апрель куни Миланда бўлиб ўтади.