"Ливерпуль"нинг собиқ ҳужумчиси Майкл Оуэн Юрген Клопп жамоасини кучли 4таликда якунлаш шартини айтди. Эслатиб ўтамиз, ҳозирда мерсисайдликлар Англия чемпионатида саккизинчи поғонани банд қилишмоқда.
"Агар "Ливерпуль" қолган барча ўйинларда ғалаба қозонса, жамоа кучли 4-ўриндан жой олади, бунга ишончим комил. Уларнинг олдида жуда оддий тақвим турибди. Аммо бу ҳолатда жуда кўп "агар" мавжуд. "Ливерпуль" учун бу мавсум жуда беқарор ўтди, шунинг учун жамоа қандай қилиб кетма-кет 8 ёки 9 ўйинда ғалаба қозона олишини тушунмаяпман", - дея Оуэннинг сўзларини келтиради Anfield Watch.
Эслатиб ўтамиз, кеча "Ливерпуль" сафарда "Лидс"ни 6:1 ҳисобида мағлуб этганди.
