"Манчестер Сити" ярим ҳимоячиси Фил Фоден жамоа машғулотларига қайтди. Журналист Тайрон Маршалнинг хабарига кўра, инглиз футболчиси "Бавария"га қарши Чемпионлар лигаси 1/4 финал жавоб ўйини олдидан бугунги жамоа машғулотларида иштирок этган.
Эслатиб ўтамиз, Фоден кўричак туфайли операция қилингани учун бир неча ҳафтани ўтказиб юборди. Фил "Манчестер Сити" машғулотларини қайта бошлаган бўлса-да, футболчи ҳали формага кириши керак, лекин у эртага Мюнхенда "Бавария"га қарши ўйинда ярим ҳимоячи майдонга тушиши мумкин.
Жорий мавсумда Фоден Премьер-лигада 9 та гол ва 4 та голли узатмани амалга оширди.
