"Челси"нинг вақтинчалик бош мураббийи Франк Лэмпарднинг фикрича, "Реал" футболчиси Милитаога қизил карточка кўрсатилиши керак эди.
"Эдер Милитаога иккинчи сариқ карточка кўрсатилиши керак эди. Мен эпизодга кирмоқчи эмасман, фақат шуни айтаманки, у майдондан четлатилиши керак эди. У хавфли ҳужумни бартараф этди" - деди Лэмпард матбуот анжуманида.
Эслатиб ўтамиз, Милитао кеча "Челси" билан ўйинда сариқ карточка олган эди. Демак, бразилиялик ҳимоячи “Қироллик клуби” “Манчестер Сити” – “Бавария” жуфтлиги ғолиби билан ўйнайдиган ўйинни сариқ карточкалари тўпланиб қолганлиги туфайли биринчи ярим финални ўтказиб юборади.