“Спортинг” ярим ҳимоячиси Франсишку Тринкан “Ювентус”га қарши Европа лигаси 1/4 финал жавоб ўйинидан умидлари билан ўртоқлашди.

"Ишонамиз, биламизки, қийин ўйин бўлади, “Ювентус” кучли, аммо биз тайёр бўламиз ва қўлимиздан келганини қиламиз”, — дея Тринканнинг сўзларини келтиради Sport TV. "Стадионимиз тўлади ва биз биринчи ўйиндагидан яхшироқ ўйнаш учун бизга тақдим этиладиган имкониятлардан фойдаланишга умид қиламиз."

Биринчи учрашув “Ювентус”нинг 1:0 ҳисобидаги ғалабаси билан якунланган эди.

Жамоалар ўртасидаги жавоб ўйини 20 апрель куни Лиссабонда бўлиб ўтади.