Мадриднинг «Реал» клуби ярим ҳимоячиси Тони Кроос яна бир мавсум клубда қолади.
Томонлар ўртасидаги келишув ҳақидаги хабарни таниқли инсайдер Фабрицио Романо ҳам тасдиқлади ва у ижтимоий тармоқлар орқали немис ярим ҳимоячиси аллақачон шартнома имзолагани, барча ҳужжатлар расмийлаштирилгани ҳақида хабар берди.
Шартнома келаси мавсум охиригача ҳисоблаб чиқилади. «Реал Мадрид» тез орада 33 ёшли футболчи билан шартнома узайтирилганини расман тасдиқлаши керак.
Тони Кроос 2014 йилдан бери «қаймоқранглилар» сафида 400 дан ортиқ ўйин ўтказди. Жорий мавсумда футболчи 41 марта майдонга тушиб, иккита гол ва бешта голли узатмани амалга оширди.
