Эрлинг Холанд ушбу Чемпионлар лигасида супер ўйин кўрсатмоқда.

22 ёшли норвегиялик Чемпионлар лигаси 1/4 финалининг жавоб ўйинида (1:0, иккинчи бўлим) “Бавария” дарвозасини ишғол қилди.

Турнирнинг жорий мавсумида Холанд 12 та гол киритиб, тўпурарлар рўйхатида пешқадамлик қилмоқда. “Ливерпуль” футболчиси Муҳаммад Салоҳ 8 та гол билан иккинчи, “ПСЖ” ҳужумчиси Килиан Мбаппе эса 7 та гол билан учинчи ўринда.

Умуман олганда, Холанд Чемпионлар лигасининг 27 та учрашувида 35 та гол урди ва 35 та ўйинда 34 та гол урган Герд Мюллерни ортда қолдирди. Чемпионлар лигасининг энг яхши тўпурари 183 ўйинда 140 гол урган Криштиану Роналду.