"Тоттенхэм" клуби ҳужумчи Харри Кейнга нарх белгилади.
Daily Express хабарига кўра, клуб ёзда 29 ёшли футболчи учун 88 миллион фунт (99 миллион евро) талаб қилади.
Франция ОАВларининг ёзишича, "ПСЖ" раҳбарияти Кейнни жамоа билан Чемпионлар лигасида ғалаба қозона оладиган футболчи деб ҳисоблайди ва уни сотиб олиш устувор вазифа ҳисобланади. Шунингдек, 2022 йилдаги омадсиз трансфер ойнасидан кейин клуб ёзги харидда муваффақият қозониш ниятида.
Кейннинг "шпорлар" билан шартномаси 2023/24 йилги мавсум охирида тугайди. Футболчи 2011 йилнинг январидан бери "Тоттенхэм"да ўйнаб келмоқда.
Кейн жорий мавсумда АПЛда 31 та ўйинда майдонга тушиб, 23 та гол урди ва 2 та голга ассистентлик қилди.
