Ўзбекистон Профессионал футбол лигаси Рамазон ҳайити билан барчани муборакбод этади.

21 апрель куни ҳайит айёмига тўғри келди. 30 апрель куни эса мамлакатимиз учун муҳим кун ҳисобланади. Биз март ойида Ўзбекистон мезбонлик қилган U20 Осиё кубоги билан параллел равишда ички мусобақаларни ўтказдик. Рамазон ойи давомида ҳам футбол учрашувлари давом эттирилди. Ҳайит байрами кунида ҳам қатор ўйинлар ташкил этилади. Зич тақвимга қарамай футбол учрашувларини ташкил этишда биз билан елкама-елка хизмат қилаётган Ички ишлар, Миллий гвардия ҳамда Тез ёрдам ҳодимларига ўз миннатдорчилигимизни билдирамиз.

30 апрель куни мамлакатимиз аҳолиси ўз ҳуқуқидан фойдаланган ҳолда овоз беришда иштирок этади. Шунингдек, футбол жамоатчилиги: мураббийлар, футболчилар, расмийлар, мутахассислар ҳам ўз оила аъзолари билан референдумда қатнашишни ният қилган. Футбол учрашувларини ўтказишда иштирок этувчи барча ташкилотлар учун қулайлик яратиш мақсадида Ўзбекистон Профессионал футбол лигаси Суперлига 8-тур учрашувларини 30 июнь санасидан бошлаб ўтказишга қарор қилди. Ўйинлар санасини мазкур ҳавола ёрдамида билиб олиш мумкин. 27-30 июль кунлари эса Ўзбекистон кубогининг 1/8 финал учрашувлари билан футбол клублари ёзги танаффусдан қайтади.

Лига 2023 йилги футбол мавсуми ҳар йилдагидан яхшироқ бўлишига ишонади. Бизни йил давомида янада муросасиз футбол учрашувлари кутиб турибди.