Собиқ ҳимоячи Рио Фердинанд "Манчестер Юнайтед" ярим ҳимоячиси Бруну Фернандешни Лионель Мессига қиёслади.

"Бруну голли узатма беради, имкониятлар яратади. Агар унинг статистикасига назар ташласангиз, португалиялик футболчи "Манчестер Юнайтед"га ўтганидан бери унга фақат Месси самарали узатма бўйича тенглаша олди.

Мен Брунуни Месси даражасида демайман, бу ҳақда ҳеч ким гапирмаяпти. У Месси даражасида эмас. Лекин фақат Мессида яхшироқ статистика бор.

Кейинги савияга чиқиш учун Брунуга Эриксен керак. Кристиан жуда кўп оддий паслар беради, бу эса жамоадошлари учун жуда фойдали", - деди Фердинанд.

Жорий мавсумда Фернандеш 49 та ўйинда 10 та гол урди ва 11 та голли узатмани амалга оширди.