Ҳужумчи Ромелу Лукаку "Интер"га Италия кубоги ярим финалининг "Ювентус"га қарши жавоб учрашувида ёрдам бермайди.
Италия футбол федерацияси Лукакуни биринчи ўйинда майдондан четлатиш ҳақидаги апелляцияни рад этди. Эслатиб ўтамиз, голдан сўнг бельгиялик футболчи "кекса синьора" мухлисларига имо-ишоралар кўрсатиб, уларни жим бўлишга ундаганди. Бу ирқчи ҳақоратларга жавоб бўлди, аммо ҳакам қонун талабига амал қилди ва футболчига иккинчи сариқ карточкани кўрсатди.
"Ювентус" ва "Интер" ўртасидаги биринчи учрашув 1:1 ҳисобида якунланган эди. Жавоб ўйини 26 апрель, чоршанба куни Миланда бўлиб ўтади. Айнан ўшанда жамоалар мамлакат кубоги финали йўлланмаси учун кураш олиб боришади.
