Hujumchi Romelu Lukaku "Inter"ga Italiya kubogi yarim finalining "Yuventus"ga qarshi javob uchrashuvida yordam bermaydi.
Italiya futbol federasiyasi Lukakuni birinchi o‘yinda maydondan chetlatish haqidagi apellyasiyani rad etdi. Eslatib o‘tamiz, goldan so‘ng belgiyalik futbolchi "keksa sinyora" muxlislariga imo-ishoralar ko‘rsatib, ularni jim bo‘lishga undagandi. Bu irqchi haqoratlarga javob bo‘ldi, ammo hakam qonun talabiga amal qildi va futbolchiga ikkinchi sariq kartochkani ko‘rsatdi.
"Yuventus" va "Inter" o‘rtasidagi birinchi uchrashuv 1:1 hisobida yakunlangan edi. Javob o‘yini 26 aprel, chorshanba kuni Milanda bo‘lib o‘tadi. Aynan o‘shanda jamoalar mamlakat kubogi finali yo‘llanmasi uchun kurash olib borishadi.
