Лондоннинг “Арсенал” жамоаси чемпионлик учун курашда яна очко йўқотиб мухлислари ҳафсаласини пир қилди. Микель Артета жамоаси “Саутгемптон” билан дуранг ўйнади – 3:3.
Шундай бўлса-да, "Арсенал" Премьер-лигада 10 учрашувдан бери мағлуб бўлмаяпти. Сўнгги бор “канонирлар” 15 февраль куни ўз майдонида “Манчестер Сити”га ютқазганди – 1:3. Ўшандан бери чемпионликка даъвогар бўлиб турган клуб қаторасига еттита ўйинда ғалаба қозонган ва сўнгги учта учрашувда дуранг қайд этган.
"Арсенал" учун навбатдаги учрашув ҳал қилувчи бўлиши мумкин, чунки жамоа "Этиҳад" стадионида АПЛ чемпионлиги учун курашдаги асосий рақиб - "Манчестер Сити" билан меҳмонда учрашади. У 26 апрелга режалаштирилган.
