Мюнхеннинг "Бавария" клуби янги дарвозабон изламоқда. Асосий номзод Брюсселнинг “Андерлехт” клуби дарвозабони Барт Вербругген.
Goal.com нашрининг хабарига кўра, немис гранди ижара асосида "Монако"да ўйнаётган Александр Нюбелнинг хизматидан воз кечишга қарор қилган.
Эслатиб ўтамиз, жамоанинг асосий дарвозабони Мануэль Нойер жароҳати сабаб мавсум охирига қадар сафдан чиққан эди. Ҳозир "Бавария"нинг биринчи рақами швейцариялик Янн Зоммер.
20 ёшли Вербругген 2020 йилнинг ёзидан буён “Андерлехт” сафида ўйнаб келмоқда. Унинг трансфер нархи 5 миллион евро.
