"Наполи" ҳужумчиси Жакомо Распадори А Сериянинг 31-туридан ўрин олган "Ювентус"га қарши ўйин (1:0) ҳақидаги таассуротлари билан ўртоқлашди.
"Мен бахтлиман, бу ҳис-туйғуларни тасвирлаб бўлмайди. Мен ҳамон ҳайратдаман, биз охиригача ғалаба қозонишга ҳаракат қилдик ва зарбам аниқ бўлди. Бу гол жуда қиммат туриши мумкин.
Жароҳатдан кейин қийин даврни бошдан кечирдим, аммо “Наполи”да ҳамма менга меҳрини кўрсатди. Мен жамоа билан бахтимни баҳам кўраман. Энди мавсум бошидан бери орзу қилган мақсадимизга эришишимиз учун керакли очколарни қўлга киритишимиз керак", - деди Распадори.
Эслатиб ўтамиз, "Наполи" кейинги турда "Салернитанани" мағлуб этса, муддатидан аввал Италия чемпионига айланади, бунинг учун "Лацио" эса "Интер" билан ўйинда очко йўқотиши керак.
