"Барселона" бош мураббийи Хави Эрнандес ҳужумчи Ферран Торресни жамоада қолдиришга қарши эмас.
Журналист Хуан Хименеснинг сўзларига кўра, мураббийга испаниялик футболчининг менталитети, шунингдек, тактик мослашувчанлиги ёқади.
Эслатиб ўтамиз, Торрес қанотда ҳам, ҳужумнинг "сохта тўққизлик" ролида ҳам ўйнай олади. Кеча Ферран Испания чемпионатида "Атлетико Мадрид"га қарши уй учрашувида ягона гол уриб, "Барселона"га ғалаба келтирди.
Торрес 2022 йилнинг январида "Манчестер Сити"дан 55 миллион евро эвазига "Барселона"га ўтган эди. Ферраннинг ҳисобида Испания Ла Лигасида 4 та гол ва битта голли узатма бор.













