Мадриднинг "Реал" клуби Испания чемпионатининг навбатдаги "Жирона"га қарши ўйинида тўрт нафар футболчисидан фойдалана олмаслиги мумкин.

Бугунги машғулотларда Родриго, Карим Бензема, Эдуардо Камавинга ва Дани Себальослар иштирок этишмади. Бу ҳақда журналист Хосе Луис Санчес ижтимоий тармоқда хабар бермоқда.

Манбанинг қайд этишича, бу футболчиларнинг барчаси ноқулайликларни ҳис қилган ва "Жирона"га қарши навбатдаги ўйинда қатнашмайди. Бош мураббий Карло Анчелотти муҳим футболчиларнинг соғлиғини хавф остига қўймоқчи эмас.

Ҳимоячилар Давид Алаба ва Ферланд Менди ҳам майдонга туша олмайди ва улар жароҳатлардан даволанишда давом этишмоқда.