Франция терма жамоаси ва Франкфуртнинг "Айнтрахт" клуби ҳужумчиси Рандал Коло-Муани фаолиятини ўз Ватанида давом эттириши мумкин.
RMC Sport нашри хабарига кўра, 24 ёшли футболчини трансферга "ПСЖ" қизиқмоқда. Футболчи учун курашда парижликларнинг рақиблари "Бавария" ва "Манчестер Юнайтед"дир.
Ўз навбатида, "Айнтрахт" ўзининг етакчи футболчиси учун 60 миллион евро таклиф қилса, у билан хайрлашишга тайёр. Томонлар ўртасидаги амалдаги шартнома муддати 2027 йилнинг ўрталаригача мўлжалланган.
Бундеслиганинг жорий мавсумида Коло-Муани 28 та ўйинда майдонга тушиб, 13 та гол урди ва 10 та голли узатмани амалга оширди.
