Каталониянинг "Барселона" жамоасининг ҳужум чизиғи етакчиси Роберт Левандовски Испания чемпионатининг 30-турида Мадриднинг "Атлетико" жамоасига қарши кечган сўнгги ўйинда гол ура олмади.
Ижтимоий тармоқ инсайдери Педро Мартиннинг ёзишича, 34 ёшли ҳужумчи "кўк-анорранглилар" ва миллий терма жамоа сафида ўтказган сўнгги 10 учрашувининг 9тасида гол ура олмаган. Бу 34 ёшли футболчининг 2016 йил баҳоридан бери энг ёмон серияси.
Эслатиб ўтамиз, Левандовски "Барселона" сафига ўтган ёзда "Бавария"дан 45 миллион евро эвазига ўтган эди. Жорий мавсумда ҳужумчи 38 та жангда қатнашиб, 27 та гол ва 7 та голли узатмани амалга оширган.
