"Бавария" ҳали ҳужумчи Серж Гнабрининг келажаги борасида бир қарорга келмаган, дея хабар бероқда журналист Фабрицио Романо.
Манба берган хабарга кўра, 27 ёшли германиялик футболчининг кетиши мумкинлиги ҳақидаги миш-мишларга қарамай, клуб Гнабри ва Садио Мане бўйича ҳалигача бир қарорга келмаган. Мюнхенликлар жамоаси футболчиларининг келажаги май ойида аниқланиши кутилмоқда.
Гнабрининг "Бавария" билан амалдаги шартномаси 2026 йилнинг ёзига қадар мўлжалланган. Transfermarkt портали Германия терма жамоаси футболчисини 55 миллион еврога баҳоламоқда.
Жорий мавсумда ҳужумчи мюнхенликлар сафида 42 та ўйин ўтказиб, 12 та гол урди ва 11 та голли узатмани амалга оширди. Гнабри 2017 йилдан бери "Бавария" шарафини ҳимоя қилиб келмоқда.