"Челси" ҳимоячиси Калиду Кулибали Англияда эканлигидан хурсанд эмас. Бу ҳақда La Gazzetta dello Sport ўз саҳифаларида ёзди. Қайд этилишича, 31 ёшли футболчи кейинги трансфер ойнасида Италияга қайтишни кутмоқда.
Аввалроқ, "Ювентус" бош мураббийи Массимилиано Аллегри Кулибали билан телефон орқали мулоқот қилгани ҳақида маълумот пайдо бўлганди. Сенегаллик ҳимоячи ёзги мавсумда Туринга ўтиши мумкин.
Нуфузли transfermarkt портали экспертлари Калиду Кулибалини 25 миллион еврога баҳоламоқда. Футболчининг Лондондаги амалдаги шартномаси 2026 йилнинг ўрталарига қадар мўлжалланган.
