"Манчестер Юнайтед" Харри Кейнни қўлга киритиш учун биринчи қадамларни ташламоқда.
The Telegraph хабарига кўра, манкунианликлар трансфер жараёнига тайёргарликни бошлаб юборишган. Клуб бу трансфер қанчага тушиши ва "Тоттенхэм" раҳбари Дэниел Леви билан қандай музокара олиб боришни аниқламоқчи.
Кейннинг "шпорлар" билан шартномаси 2024 йилгача мўлжалланган. Шу билан бирга, "Тоттенхэм"даги манбаларнинг фикрича, ҳужумчининг яна бир мавсум клубда қолиши эҳтимоли жуда паст.
Тахминларга кўра, Леви чет эл клубларидан 80 миллион фунт ёки ундан кўпроқ пуллик трансфер таклифларини кўриб чиқишга тайёр, аммо инглиз клубларидан камида 100 миллион фунт сўрайди ва ҳатто Премьер-лигадан барча таклифларни рад этишга қарор қилиши мумкин.
Кейн хизматларига "Бавария" қизиқмоқда. Ҳужумчининг ўзи ҳам Премьер-лигада қолишни афзал кўрмоқда.
29 ёшли футболчи жорий мавсум АПЛда 32 та ўйинда майдонга тушиб, 24 та гол ва 2 та голли узатмага муаллифлик қилган.
