Мадриднинг “Реал” клуби бош мураббийи Карло Анчелотти марказий ҳимоячи Давид Алаба 6 май куни Севилядаги “Олимпико” стадионида Испания Кубоги финалида “Осасуна”га қарши ўйинга тайёр бўлиши кераклигини айтди.
"Алаба Қирол кубоги финалига тайёр бўлиши керак", - деди Анчелотти бугун Ла Лиганинг навбатдаги тури "Жирона"га қарши ўйин олдидан ўтказилган матбуот анжуманида.
Эслатиб ўтамиз, Алаба бир ҳафта олдин бўлиб ўтган Чемпионлар лигасининг чорак финал жавоб ўйинида "Челси"га қарши ўйинда жароҳат олган эди. Қирол кубоги финалидан 3 кун ўтиб "Реал Мадрид" Чемпионлар лигасининг биринчи ярим финалида "Манчестер Сити"га қарши ўйнайди.