Madridning “Real” klubi bosh murabbiyi Karlo Anchelotti markaziy himoyachi David Alaba 6 may kuni Sevilyadagi “Olimpiko” stadionida Ispaniya Kubogi finalida “Osasuna”ga qarshi o‘yinga tayyor bo‘lishi kerakligini aytdi.
"Alaba Qirol kubogi finaliga tayyor bo‘lishi kerak", - dedi Anchelotti bugun La Liganing navbatdagi turi "Jirona"ga qarshi o‘yin oldidan o‘tkazilgan matbuot anjumanida.
Eslatib o‘tamiz, Alaba bir hafta oldin bo‘lib o‘tgan Chempionlar ligasining chorak final javob o‘yinida "Chelsi"ga qarshi o‘yinda jarohat olgan edi. Qirol kubogi finalidan 3 kun o‘tib "Real Madrid" Chempionlar ligasining birinchi yarim finalida "Manchester Siti"ga qarshi o‘ynaydi.