Лондоннинг "Арсенал" клуби "Брайтон" ярим ҳимоячиси Мойсес Кайседони кузатишни давом эттирмоқда. Январь ойида "канонирлар" футболчини ўз сафига қўшиб олиши мумкин эди, бироқ "чағалайлар" катта товон пули сўрагани сабаб трансфер бекор бўлди.
Журналист Фабрицио Романонинг ёзишича, "Арсенал" Кайседога қизиқиш билдираётган ягона инглиз клуби. Яқинда Мойсес "Реал Мадрид"да ўйнаш истаги борлигини маълум қилганди, аммо манба "Брайтон" ва "Қироллик клуби" ўртасида музокаралар борлиги ҳақидаги маълумотни тасдиқлай олмайди.
Аввалроқ Кайседо билан "Ливерпуль", "Челси" ва "Манчестер Юнайтед" ҳам боғланган эди.
