"ПСЖ" ярим ҳимоячиси Карлос Солер қийин мавсум ўтаётганига қарамай Париж клубида қолишни истамоқда, деб хабар беради L'Equipe.
Манбага кўра, парижликлар бош мураббийи Кристоф Галтье 26 ёшли испанияликнинг ўйинидан мамнун бўлган. Футболчининг ўзи ҳам клубда бахтли.
Солер 2022 йилнинг 1 сентябрида “Валенсия”дан “ПСЖ”га ўтган эди. Унинг парижликлар клуби билан шартномаси 2027 йилнинг июнигача мўлжалланган. Transfermarkt портали футболчининг нархини 30 миллион еврога баҳоламоқда.
2022/23 йилги мавсумда Солер жамоа сафида барча мусобақаларда 30 та ўйинда майдонга тушиб, 6 та гол урди ва 4 та голли узатмани амалга оширди.
