«Манчестер Сити» марказий ҳимоячиси Эмерик Ляпорт тез орада клубини ўзгартириши мумкин.

Испаниялик футболчининг келажагидаги ноаниқлик унинг жорий мавсумда «шаҳарликлар»нинг асосий таркибида камдан-кам учрагани билан боғлиқ.

Журналист Серхио Фернандеснинг хабарига кўра, 28 ёшли футболчига «Ньюкасл», «Ювентус» ва «Милан» клублари қизиқиш билдирмоқда.

Марказий ҳимоячининг ўзи «Барселона»га ўтишни афзал кўради. «Атлетик Бильбао» ҳам футболчини ортга қайтариш ҳақида ўйламоқда, аммо бу трансферни даргумон деб ҳисобламоқда.

Transfermarkt экспертлари Ляпортнинг ҳозирги қийматини 30 миллион еврога баҳоламоқда.