"Арсенал" бош мураббийи Микель Артета "Манчестер Сити"даги ҳамкасби Хосеп Гвардиола билан бир неча ҳафтадан бери гаплашмаганини айтди.
Мутахассислар ўртасидаги сўнгги суҳбат 15 февраль куни "шаҳарликлар" АПЛ доирасида сафарда "канонирлар"ни 3:1 ҳисобида мағлуб этган ўйинда бўлиб ўтганди.
"Гвардиола билан охирги марта қачон гаплашганман? Аниқ санаси? Бу АПЛ доирасида "Эмирейтс" стадионидаги ўйиндан кейин бўлган бўлса керак" - деди Артета матбуот анжуманида.
Эслатиб ўтамиз, эртага "Арсенал" ва "Манчестер Сити" ўртасидаги учрашув "Этиҳад Стадиум"да бўлиб ўтади. Ҳозирча "канонирлар" чемпионлик учун рақибларидан 5 очколик устунликка эга, бироқ айни пайтда Гвардиола шогирдларида иккита захира учрашуви бор.
