Жанубий Корея ўсмирлар терма жамоаси гуруҳдаги энг кучсиз рақиб — Саудия Арабистонини 3-турда мағлубиятга учратди ва 100 фоизли натижа билан гуруҳ ғолибига айланди.
Натижада 30 сентябрь, якшанба куни бўладиган чорак финалда Жанубий Корея ва Ўзбекистон терма жамоалари майдонга чиқадиган бўлишди. Ўйин "Роҳ-Оҳан" стадионида соат 16:30да (Тошкент вақти билан) ўтказилади.
"С" гуруҳининг яна бир ўйинида Япония КХДРни мағлубиятга учратди (3:0) ва 2-ўринни эгаллади. Японлар чорак финалда Сурия билан куч синашишади.
Эслатиб ўтамиз, чорак финалда ғолиб чиққан жамоалар ярим финал билан бирга келаси йили БААда бўлиб ўтадиган жаҳон чемпионати йўлланмасини ҳам қўлга киритади.
Ўсмирлар ўртасидаги Осиё чемпионати
Чорак финаллар, 30 сентябрь, якшанба
14:30. Ироқ - Кувайт
16:30. Жанубий Корея - Ўзбекистон
18:30. Эрон - Австралия
20:30. Сурия - Япония
