"Вильярреал" вингери Самуэль Чуквуезе бошқа клублар томонидан қизиқишда давом этмоқда.
Аввал хабар қилинганидек, 23 ёшли футболчини ўз сафиба "Реал" ва "Ливерпуль" клублари кўрмоқчи. Ҳозирда, инсайдер Экрем Конурнинг сўзларига кўра, Лондоннинг "Арсенал" ва "Вест Хэм" клублари нигериялик учун курашга қўшилган ва футболчини ёзги трансфер ойнаси учун мақсадлардан бири сифатида белгилашган.
Transfermarkt маълумотларига кўра, Самуэль Чуквуезе 20 млн евро туради. Жорий мавсумда футболчи “Вильярреал” сафида 42 та ўйинда майдонга тушиб, 13 та гол урди ва 11 та голли узатмани амалга оширди.













